Zëvendëspresidenti i SHBA-së, JD Vance, ka folur për luftën në Iran nga Budapest, ku shkoi për t’u takuar me udhëheqësin e Hungarisë, Viktor Orban.
Duke iu përgjigjur pyetjeve të gazetarëve, gazeta Washington Post e pyet Vance nëse ka ndonjë informacion të ri që sugjeron se mund të arrihet një marrëveshje midis SHBA-së dhe Iranit.
Si përgjigje, Vance thotë se SHBA-ja ka përfunduar “fundamentalisht” objektivat e saj ushtarake në Iran. Ai shton se natyra e përfundimit të luftës varet nga iranianët, duke shpjeguar se ka “dy rrugë” për të përfunduar lufta.
Njëra është ku “iranianët vendosin se do të jenë një vend normal, nuk do të financojnë më terrorizmin dhe do të jenë pjesë e sistemit botëror të tregtisë dhe shkëmbimit”.
Opsioni tjetër, thotë Vance, është “nëse iranianët nuk ulen në tryezë… atëherë situata ekonomike në Iran do të vazhdojë të jetë shumë, shumë e keqe”.
