Korrespondenti kryesor i BBC-së për Amerikën e Veriut, Gary O’Donoghue, mori pjesë në Darkën e Korrespondentëve të Shtëpisë së Bardhë në Uashington mbrëmë.
Ai përshkroi skenat brenda sallës së vallëzimit, shkruan BBC.
“Eca disa blloqe deri në hotel, pastaj ia tunda ftesën dikujt që e shikoi nga rreth dy metra larg. Askush nuk e shikoi kartën time të identitetit. Më kontrolluan pak gjatë rrugës për në sallën e vallëzimit, por edhe kur ra sinjalizuesi, nuk më kërkuan të zbrazja xhepat”, thotë ai.
“Shërbimi Sekret bëri punën e vet, e ndaloi këtë djalë të hynte në sallën e vallëzimit. Por ai kordon sigurie ishte pikërisht jashtë dyerve të sallës së vallëzimit, dhe sigurisht hoteli ishte plot me mysafirë të rregullt”.
Mbrëmë pas orës 20:00, pati të shtëna me armë në këtë event, ku po merrte pjesë presidenti amerikan, Donald Trump dhe Zonja e Parë, Melania Trump.
I dyshuari u ndalua falë Shërbimit Sekret Amerikan, dhe po mbahet në paraburgim, derisa pritet që të hënën të dalë para gjykatës.
