Anthony Gordon është kthyer në një nga emrat më të nxehtë të merkatos europiane, me Bayern Munich dhe Barcelonën që po përplasen për firmën e sulmuesit të Newcastle United.
Sipas raportimeve, Bayern është aktualisht në avantazh dhe i ka ofruar lojtarit një kontratë 5-vjeçare, ndërsa klubi gjerman synon të ulë çmimin nga rreth 75 milionë paund që kërkon Newcastle.
Nga ana tjetër, Barcelona ka hyrë gjithashtu në garë dhe ka zhvilluar kontakte me përfaqësuesit e lojtarit, por situata financiare e klubit mund ta bëjë të vështirë finalizimin e marrëveshjes.
Gordon ka pasur një sezon shumë të fortë, sidomos në Champions League, ku ka shënuar 10 gola dhe ka tërhequr vëmendjen e klubeve më të mëdha europiane.
Kjo formë e ka çuar vlerën e tij në nivele të larta, ndërsa Newcastle synon të përfitojë maksimalisht nga shitja, duke pasur edhe një përqindje për t’i paguar Evertonit nga transferimi
