Ylli i Barcelonës, Lamine Yamal, mund ta ketë humbur “El Clasicon” e fundit të sezonit për shkak të lëndimit, por ai nuk kishte ndërmend të mbetej në prapaskenë gjatë festimeve të titullit.
18-vjeçari, i konsideruar nga shumë si lojtari kyç në rrugëtimin drejt triumfit në La Liga, ishte një nga protagonistët edhe gjatë paradës me autobus të hapur të Barcelonës.
Më herët gjatë ditës, Lamine Yamal kishte tërhequr vëmendje në rrjetet sociale duke postuar një video ku festonte golin e Ferran Torres në fitoren 2-0 ndaj Real Madridit, me mbishkrimin “talk is cheap” (“Fjalët kushtojnë pak”). Shumë e interpretuan këtë si një kundërpërgjigje ndaj një postimi të mëhershëm të Jude Bellinghamit.
Gjatë paradës nuk munguan flamujt e Barcelonës dhe “Senyera”, flamuri katalanas.
Megjithatë, në një moment të festimeve, që nisën nga “Camp Nou” drejt qendrës së qytetit dhe u rikthyen përsëri aty, Lamine Yamal ngriti edhe një flamur të Palestinës nga autobusi i ekipit
Video: Lamine Yamal raising the the flag of Palestine. pic.twitter.com/PwELM6aT8u 🇵🇸
— barcacentre (@barcacentre) May 11, 2026
Në Spanjë ka pasur mbështetje të konsiderueshme për Palestinën gjatë vitit të fundit dhe gjesti i tij mori vëmendje të madhe në rrjetet sociale.
Përveç kësaj, Lamine Yamal bëri edhe një “thumbim” ndaj Real Madridit gjatë paradës.
Ai u pa i veshur me një fanellë ku shkruhej: “Thank God I’m not a Madridista” (“Faleminderit Zotit që nuk jam madridist”), diçka që me siguri nuk do ta bëjë të dashur në “Bernabéu” herën tjetër që do të luajë aty.
"GRACIAS A DIOS NO SOY MADRIDISTA" 💣
— DAZN Fútbol (@DAZNFutbol) May 11, 2026
La camiseta con la que posó Lamine Yamal celebrando LALIGA del FC Barcelona 💥 pic.twitter.com/gK0S9fhL9j
Lamine Yamal nuk është lojtari i vetëm në Spanjë që ka shfaqur flamurin palestinez kohët e fundit.
Sulmuesi i Rayo Vallecano, Ilias Akhomach – i huazuar nga Villarreali – mori një flamur palestinez nga tifozët gjatë festimeve të fitores së Rayos ndaj Strasbourgut në Ligën e Konferencës.
Akhomach, ashtu si Lamine Yamal, ka dalë nga akademia e famshme “La Masia”.
