Arsenali ka marrë një lajm shumë të keq para finales së madhe të Ligës së Kampionëve ndaj Paris Saint-Germin, pasi Ben White e ka mbyllur para kohe edicionin shkaku i lëndimit.
Mbrojtësi anglez ka pësuar një dëmtim në ligamentin medial të gjurit (MCL), lëndim që e detyron të mungojë për disa javë dhe automatikisht jashtë finales së Champions League që luhet më 30 maj në Budapest.
Ëhite u lëndua në ndeshjen kampionale ndaj West Ham United, pas një përplasjeje me Crysencio Summerville. Ai u largua nga fusha që në pjesën e parë dhe më pas u pa me mbajtëse në gju, duke ngritur menjëherë shqetësim te stafi i Arsenalit.
Mungesa e tij konsiderohet një goditje e madhe për Mikel Artetan, sidomos pasi edhe Jurrien Timber vazhdon të ketë probleme fizike. White kishte qenë titullar në pesë ndeshjet e fundit të Arsenalit, përfshirë edhe dy gjysmëfinalet ndaj Atletico Madridit.
Përveç finales ndaj PSG-së, lëndimi rrezikon seriozisht edhe pjesëmarrjen e Ben White me Anglinë në Kupën e Botës që nis këtë verë
