E ardhmja e Gleison Bremer te Juventus është vënë seriozisht në pikëpyetje, pasi interesimi nga Manchester United dhe Liverpool po rritet çdo ditë e më shumë, .
Bremer nuk ka bindur plotësisht këtë sezon me paraqitjet e tij, sidomos pas rikthimit nga lëndimi, ndërsa tifozët dhe një pjesë e klubit kanë shprehur pakënaqësi për gabimet e shpeshta në mbrojtje.
Nga ana tjetër, Liverpool e sheh brazilianin si përforcim ideal për repartin defensiv dhe raportohet se “The Reds” janë aktualisht favoritë në garë. Ndërkohë, Manchester United po monitoron situatën dhe kërkon një lider të ri në mbrojtje për sezonin e ardhshëm.
Bremer ka kontratë me Juventusin deri në vitin 2029, por në Torino mund të detyrohen ta shesin për arsye financiare nëse nuk sigurojnë të ardhurat nga Champions League.
