Një ekip ekspertësh, gjetën gjatë restaurimit të afreskeve nga Girolamo Romanino në Duomo Vecchio, një shënim që daton në shekullin e 16-të, më saktë në vitin 1538.
Copa e letres u gjet brenda njëres prej kolonave. “Një gjetje si kjo është shumë e rrallë, ne ishim me fat”, komenton Giuseppe Spataro, drejtori i punimeve.
Ekspertët shpjegojnë se ndërtimi i organosë filloi në vitin 1536 dhe përfundoi në vitin 1538. Ishte Gian Giacomo Antegnati, i ardhur nga një familje e rëndësishme ndërtuesish organesh nga Breshia, i cili e ndërtoi organon.
“Ishte palosur në 32 pjesë, një kateror thuajse i padukshëm. Ajo përmban dy rreshta teksti dhe për t’i deshifruar ato iu drejtuam një prej eksperteve kryesore të sektorit, Barbara Maria Savy, profesoreshë e historisë së artit në Universitetin e Padovës dhe studiuese e Romanino-s”, vijon Spataro.
Aty shkruhej: “Mi Pasì da Pasira si fat questi coloni de l’orgen del dom / El dì 12 de prill mili 538”.
Pra një tjetër mjeshtër nga Brescia i quajtur Pasì di Passirano kishte bërë kolonat e organos më 12 prill 1538 dhe do të donte të kujtohej në një farë mënyre.
