Kryetari i Lidhjes Demokratike të Kosovës (LDK), Lumir Abdixhiku ka pritur në takim shefin e ri të Misionit të Bashkimit Evropian për Sundim të Ligjit, EULEX, Giovanni Pietro Barbano.
Në këtë takim përveç tjerash Abdixhiku ka njoftuar Barbano edhe për programin politik të LDK-së “Rruga e Re” për Kosovën, që sipas LDK-së u vendos në pah përmbajtja e pasur me mbi 30 kapituj të një koncepti plotësisht zhvillimor të Kosovës.
Në njoftimin e LDK-së thuhet se gjatë takimit u adresuan tri çështje të rëndësishme.
“Së pari, u diskutua lidhur me sundimin e ligjit dhe demokracinë në Kosovë, në kuptim të evitimit të tendencave jokushtetuese dhe jodemokratike të ndërhyrjeve në sistemin e drejtësisë. U fol gjithashtu për situatën në veri dhe planin shtatë pikësh të LDK-së për deeskalim të situatës, duke vendosur gjithmonë fokusin në fuqizimin e sundimit të ligjit në veri në koordinim të plotë me aleatët tone”, thuhet në komunikatën e LDK-së.
Më tej në komunikatë thuhet se kryetari Abdixhiku shprehi gatishmërinë për komunikim të vazhdueshëm për të siguruar njoftimin e ndërsjellë për procese të rëndësisë publike.
https://www.facebook.com/plugins/post.php?href=https%3A%2F%2Fwww.facebook.com%2FLDKzyrtare%2Fposts%2Fpfbid02GJSQ9m7Mg5mc7cd3ePxDL34A3nKkNBFfQmZqqo7nDccyKXfHSsJYKdXxagPvvBPXl&show_text=true&width=500
