Drejtori i të ashtuquajturës Zyrës për Kosovë, Petar Petkoviq, ka thënë se kryeministri i Kosovës Albin Kurti dhe ministri i Brendshëm Xhelal Sveçla mund të kërcënojnë presidentin serb Aleksandar Vuçiq, por se nuk mund ta pengojnë Vuçiqin që të ndihmojë popullin serb në Kosovë.
“Sa nervoz është Albin Kurti pas shuplakës diplomatike që mori në Bruksel, tregon më së miri fakti se ai i dikton Sveçlën të kërcënojë presidentin serb Aleksandar Vuçiç me arrestim. Kur ai nuk mund ta mposht Vuçiçin ose ta mposhtë në asnjë fushë, ai përpiqet me urrejtje dhe kërcënime për t’u marrë me të, sepse Prishtina dhe Kurti dinë vetëm urrejtje dhe dhunë”, tha Petkoviç në përgjigje të kërcënimeve të Sveçlës se do ta arrestonte presidentin e Serbisë nëse shkon në Kosovë pa lejen e Prishtinës.
Në një komunikatë për media, Petkoviq ka thënë se nuk ka dyshim se obsesioni dhe kundërshtari më i madh i Kurtit dhe Sveçlës është familja Vuçiq, për shkak të luftës së tyre të pamëshirshme për Serbinë dhe popullin serb në Kosovë.
“Epo, fillimisht e keqtrajtuan djalin e tij Danilon derisa po festonte Vidovdanin në Graçanicë dhe tri herë tentuan ta arrestojnë, e tash e kërcënojnë se do ta arrestojnë edhe Aleksandër Vuçiqin. Kërcënimet e tilla për popullin serb vijnë pas mesazheve të dhunshme të Kurtit se populli serb dhe Lista Serbe në Kosovë do të vuajë, kështu që nuk është për t’u habitur që tash e kanë në shënjestër edhe Vuçiqin, sepse ai ndan fatin e popullit të tij, kjo është vetëm vazhdim i politikës së dhunshme, kërcënuese, antiserbe, urrejtjeje të Prishtinës. ndaj çdo gjëje serbe”, tha Petkoviq.
Drejtori i të ashtuquajturës Zyrës për Kosovë vlerësoi se Sveçla dhe Kurti mund ta kërcënojnë Vuçiqin, por se kurrë nuk mund ta pengojnë atë që të ndihmojë popullin serb në Kosovë.
As kërcënimet dhe provokimet e tyre nuk do ta frikësojnë, por ai do të luftojë edhe më fort për interesat e popullit të tij”, tha Petkoviq.
Petkoviq tha gjithashtu se është e sigurt se mesazhet e tilla nuk kontribuojnë në qetësimin e tensioneve apo zgjidhjes së krizës, por, siç shtoi ai, janë vazhdimësi e provokimeve, deklaratave nxitëse dhe përshkallëzimit që Prishtina provokon dhe thërret çdo ditë.
“Nuk është rastësi që ky kërcënim është shqiptuar në ditën kur presidenti Vuçiq do të mbajë një fjalim historik në Asamblenë e Përgjithshme të Kombeve të Bashkuara dhe do të vërë në dukje problemet e popullit serb në Kosovë dhe asnjë kërcënim nga Prishtina nuk mund ta bëjë këtë. Prandaj është më mirë që Sveçla dhe Kurti të dëgjojnë me kujdes atë fjalim dhe të mbajnë shënime, në vend që të merren me kërcënime të pakuptimta, tha Petkoviq.
