Sociologu, kryehulumtuesi i Demostatit, Sreçko Mihailoviq beson se është shumë e mundur që opozita të fitojë zgjedhjet në Beograd, ndërsa, sipas vlerësimit të tij, pushteti në nivel republikë do të mbetet në duart e Partisë Progresive Serbe dhe Aleksandar Vuçiq.
Mihailoviq për Demostat-in thekson se mungesa e një konsolidimi të madh të opozitës vuri në pikëpyetje ekuilibrin që sigurisht do të vendosej në zgjedhje mes partive në pushtet dhe partive në opozitë.
Ai thekson se opinioni publik karakterizohet nga pakënaqësi për shkak të standardit të dobët të jetesës dhe inflacionit, por se kjo nuk mjafton që ata të votojnë kundër qeverisë, por duhet punë shtesë nga opozita për të kanalizuar këtë pakënaqësi.
Mihailoviq thotë se niveli i mosbesimit në shoqërinë serbe është shumë i lartë dhe se frika nga opinionet e shprehura është një nga disponimet dominuese të qytetarëve, transmeton N1.
Në një shoqëri të tillë, beson ai, kërkimet në Serbi nuk janë të besueshme për vlerësime më serioze të gjendjes politike dhe vlerësimeve, por ato mund të pranohen si tregues të gjendjes reale të punëve. Ai gjithashtu thekson se sondazhet telefonike të opinionit publik janë një burim jo i besueshëm i të dhënave, por që janë më të lira dhe më të shpejta.
“Në Beograd ka shumë mundësi që opozita të fitojë zgjedhjet. Tashmë në prag të zgjedhjeve mund të argumentohet se do të ketë ndërrim pushteti”, ka thënë Mihailoviq në emisionin Gjysmëorë Demostat.
Ai shpreh disa rezerva për spekulimet se disa parti nga e djathta do të afrohen me partitë në pushtet dhe kështu do të sigurojnë një shumicë të sigurt.
“Disi këto zgjedhje janë të ndryshme dhe surprizat janë të mundshme, të paktën në raport me opinionin aktual mbizotërues, ka ende kohë deri në finale, nuk duhet të krijojmë përçarje brenda opozitës para se të vijë dita D”, tha Mihailoviq.
Ai tregon se e kupton që për shkak të ideologjisë, partitë e djathta nuk u bashkuan me partitë në qendër dhe të majtë të qendrës, por thekson se si pasojë humbi ekuilibri i përgjithshëm mes partive në pushtet dhe opozitë
