E pakënaqur me të qenit një yll në krye të listave të muzikës, këngëtarja dhe aktorja Rita Ora po i shton vetes një punë tjetër karrierës së saj.
Këngëtarja e hitit “Hot Right Now” është bashkuar me ekipin që qëndron pas dokumentarit më të fundit të Nirvanas për të prodhuar filmin e saj për kulturën rinore në vendlindjen e saj, Kosovën.
Në një intervistë për tabloidin britanik “The Sun”, Rita tha: “Jam në mes të xhirimeve të një dokumentari për kulturën vibrante të fëmijëve (në Kosovë)”.
“Gjashtëdhjetë për qind e popullsisë sonë është nën moshën 35 vjeç, e cila është super e re”, ka thënë Rita. “Kjo tregon se ka kaq shumë zemërim dhe zhgënjim që po ndodh nën të gjitha kufizimet që na është dashur të shohim në historinë e vendit tonë”.
“Kam punuar me producentë që janë vërtet të apasionuar pas Kosovës dhe prej nga jam unë”. “Të bësh muzikë dhe të jesh e hapur është padyshim e diskutueshme”, ka thënë Rita Ora për “The Sun”.
Rita erdhi në Kosovë për të festuar ditëlindjen e saj të 33-të me bashkëshortin, regjisorin Taika Waititi. Duke folur për udhëtimin, Rita zbuloi se ajo mori kohë nga pushimi për të filmuar disa skena për dokumentarin e saj të ardhshëm.
Ajo ka thënë se: “Unë shkoj atje dhe ata më shikojnë si të isha nga bota tjetër”. “Sikur nuk është një gjë e vërtetë për ta, por shpresa për të qenë në gjendje të bëj diçka që është ajo që bëj unë”, transmeton Telegrafi.
“Unë bëj punën e ëndrrave të mia, por kam punuar për të arritur këtu ku jam, por kur kthehem nuk mund t’i lidh akoma pikat e asaj pak shprese që ata kanë humbur. Ishte emocionuese për mua”, përfundoi këngëtarja e lindur në Prishtinë.
Gjatë qëndrimit në vendlindje, këngëtarja e hiteve botërore u nderua edhe me “Çelësin e Prishtinës”, i cili iu dorëzua nga i pari i kryeqytetit, Përparim Rama.
