Trajneri i Bayer Leverkusenit, Xabi Alonso është bërë trajneri më i kërkuar në Evropë, pasi skuadra e tij synon të lundrojë drejt titullit të parë të Bundesligës, duke i dhënë fund gati një dekade dominimi të Bayern Munichut. Si Bayern ashtu edhe Liverpool duket se janë të etur për të sjellë Alonson këtë verë, por mund të jetë një tjetër nga ish-klubet e tij që spanjolli do t’i bashkohet.
Vetë Alonso ka refuzuar të diskutojë për të ardhmen e tij, ndërsa Leverkusen ka qenë i bindur se ai do të qëndrojë me ta për aq sa ata dinë
Ndërkohë, gazetari i afërt me Bayernin, Christian Falk, ka thënë për Caught Offside se po flitet në Gjermani se ai do të qëndrojë në BayArena sezonin e ardhshëm – në mënyrë që t’i bashkohet Real Madridit më vonë
https://twitter.com/caughtoffside/status/1771100422758977925?ref_src=twsrc%5Etfw%7Ctwcamp%5Etweetembed%7Ctwterm%5E1771100422758977925%7Ctwgr%5E8be9f65355ac1610afc6701bcff07476e36b8216%7Ctwcon%5Es1_&ref_url=https%3A%2F%2Ftelegrafi.com%2Fgazetari-afert-bayern-munichun-zbulon-te-ardhmen-e-xabi-alonsos%2F
“Xabi Alonso mbetet i heshtur për të ardhmen e tij. Gjithnjë e më pak besojnë se do të jetë Liverpool. Bayern gjithashtu është ende në pritje të një sinjali nga Alonso. Drejtuesit e Leverkusenit mbeten të bindur se Alonso do të vazhdojë të jetë trajneri i tyre sezonin e ardhshëm”, ka thënë fillimisht Falk.
“Tani ka një thashetheme: Alonso po qëndron në Leverkusen për t’u bërë pasardhësi i Carlo Ancelottit në Real Madrid. Ancelotti ka zgjatur kontratën me Real Madridin deri në vitin 2026. Kontrata e Alonso në Leverkusen është po aq e vlefshme”
“Alonso, i cili gjithashtu zgjati kontratën e tij vetëm në verë, mund të qëndrojë besnik ndaj klubit të tij – dhe më pas të kthehet në vendin e tij të lindjes, Spanjën”, përfundoi gazetari gjerman.
