Jose Mourinho vazhdon të jetë trajner i lirë që kur u shkarkua nga Roma në janar pas rezultateve të dobëta në kampionatin italian.
Në dy muajt e fundit ka pasur shumë spekulime për të ardhmen e tij, duke e lidhur me shumë klube
Në karrierën e tij ai ka drejtuar klube si Benfica, Leiria, Porto, Chelsea, Inter, Real Madrid, Manchester United, Tottenham dhe Roma, ndaj është e logjikshme që ai të lidhet me klube të shumta.
Së fundmi mediat e kanë lidhur me Fenerbahcen si destinacion i mundshëm për portugezin, ndërsa Bild shkruante se ai është një nga kandidatët për të marrë stolin e Bayern Munich në verë.
Të dielën, Mourinho ishte i ftuar special në garën e Moto GP që u zhvillua në Portimao, qytet në jug të Portugalisë dhe përfaqësuesit e mediave vendase nuk e humbën rastin ta pyesin për planet e tij për të ardhmen
“Ka lajme për të ardhmen time. Nuk kam klub dhe jam i lirë, por dua të punoj sërish gjatë verës”, deklaroi fillimisht portugezi.
Ai u pyet nëse po përjashtonte një rikthim në Portugali, duke thënë: “Kurrë mos thuaj kurrë”.
https://twitter.com/eurofootcom/status/1771930797232021577?ref_src=twsrc%5Etfw%7Ctwcamp%5Etweetembed%7Ctwterm%5E1771930797232021577%7Ctwgr%5E598160f0f469c73051ad77c79452cac909845bc7%7Ctwcon%5Es1_&ref_url=https%3A%2F%2Ftelegrafi.com%2Fkurre-mos-thuaj-kurre-jose-mourinho-gatshem-per-te-marr-klub-te-ri-ne-vere%2F
