Luka Modric ka refuzuar dy oferta për të qëndruar në Real Madrid dhe për të nënshkruar një kontratë të re deri në verën e vitit 2025, shkruan Fabrizio Romano.
Një lajm i ngjashëm është publikuar edhe më herët gjatë ditës së sotme nga Mundo Deportivo, e cila pretendon se Modric do të qëndrojë patjetër te Los Blancos
Luka Modric ka njoftuar Real Madridin se dëshiron të qëndrojë në klub dhe të nënshkruajë një kontratë të re.
Nuk ka të bëjë me rrogën, pasi Modric e ka ndërmend të qëndrojë dhe ka refuzuar dy oferta të mëdha sepse është në pritje të Real Madridit. Tani gjithçka varet nga Reali”, ka shkruar Romano.
Mundo Deportivo pretendon se Modric dhe drejtuesit e Real Madridit kanë arritur një marrëveshje verbale për vazhdimin e kontratës edhe për një vit dhe marrëveshja u arrit pas një takimi tre orësh të mbajtur dje në Valdebebas.
Të njëjtin informacion kanë publikuar Onda Madrid dhe Telemadrid, dy media të specializuara për ndjekjen e Real Madridit.
Siç thonë ata, Modric ka pranuar të sakrifikohet për të qëndruar te Los Blancos, pasi ai deri më tani ka fituar rreth 10 milionë euro neto në sezon, ndërsa tani ka pranuar që ta përgjysmojë pagën
