Ish-kryeministri i Kosovës z.Avdullah Hoti ka reaguar pas deklaratës së Presidentes Osmani e cila sot gjatë ditës tha se “dialogu do të vdesë nëse bllokohet liberalizimi i vizave për qytetarët e Kosovës”.
Në profilin e tij në facebook, z.Hoti i ka quajtur demagogë këta që heqin dorë nga dialogu për njohje reciproke i cili sipas tij kishte filluar në koordinim me aleatët perendimorë në qeverisjen e kaluar kur ai kishte drejtuar qeverinë.
Për më tepër z.Hoti në këtë reagin e përfshin edhe kryeministrin aktual z.Albin Kurti duke rikujtuar se ai po dialogon nëpër skuta në hotele e plazhe, nëpër dreka e darka, duke zhvilluar takime në Ohër në villën e Titos ku kishte dhënë edhe garancion për jetësimin e autonomisë për komunitetin serb në Kosovë.
Ai e përfundon shkrimin e tij duke shpresuar që të na ruaj Zoti sepse ky vend e ky popull nuk ka Zot shtëpie. E ka të vështirë të kuptojë faktin se si këta udhëheqës tonë arrijnë të kërcënojnë aleatët tonë vetëm pse ata po kërkojnë që të respektohen proceset integruese duke respektuar marrëveshjet e arritura më përpara.
Ky është postimi i Avdullah Hotit:
