Gruaja iu nënshtrua trajtimit të fertilitetit dhe lindi një djalë dhe një vajzë.
Një grua 70-vjeçare nga Uganda ka sjellë në jetë binjakë, një djalë dhe një vajzë, njoftoi mjeku i saj.
Për nënën e re, “më e vjetra në Afrikë”, ishte “një mrekulli”.
Safina Namukwaya e përshkroi kështu gëzimin e saj me ardhjen e fëmijëve, të lindur në një institucion shëndetësor në kryeqytetin Kampala, ku gruaja iu nënshtrua trajtimeve të fertilitetit.
“Kjo është një arritje e jashtëzakonshme, duke i dhënë binjakë nënës më të vjetër të Afrikës,” tha Dr. Edward Tamale Sali, i cili e ndihmoi gruan gjatë shtatzënisë dhe lindjes së saj.
Shtatëdhjetë vjeçarja kishte sjellë në jetë një vajzë tre vite më parë, pasi u quajt “e mallkuar” sepse nuk kishte fëmijë më parë./Informim/
