Turqia tha të martën se nuk do të lejojë dy anije gjuetare të minave, të dhuruara Ukrainës nga Britania, të kalojnë tranzit në ujërat e saj gjatë rrugës për në Detin e Zi, pasi ajo do të shkelte një pakt ndërkombëtar në lidhje me kalimin e ngushticave gjatë kohës së luftës.
Britania tha muajin e kaluar se do të transferonte dy anije gjuetie minash të Marinës Mbretërore në Marinën e Ukrainës për të ndihmuar në forcimin e operacioneve detare të Ukrainës në luftën e saj me Rusinë.
Anëtari i NATO-s, Turqia informoi aleatët se nuk do t’i lejonte anijet të përdorin ngushticat e saj të Bosforit dhe Dardanelit për sa kohë që lufta në Ukrainë vazhdon, tha drejtoria e komunikimit e presidencës.
“Aleatët tanë përkatës janë informuar siç duhet se anijet për deminim të dhuruara Ukrainës nga Mbretëria e Bashkuar nuk do të lejohen të kalojnë nëpër ngushticat turke në Detin e Zi për sa kohë që lufta të vazhdojë,” tha ajo në një deklaratë të postuar në platformen sociale X.
Kur Rusia filloi pushtimin e saj në Ukrainë në shkurt 2022, Turqia nxiti Konventën e Montreux të vitit 1936, duke bllokuar në mënyrë efektive kalimin e anijeve ushtarake të palëve ndërluftuese.
Pakti përjashton anijet që kthehen në bazat vendase, por as Rusia dhe as Ukraina nuk kanë shprehur synimin për të kaluar anijet e tyre luftarake nëpër ngushticat turke në Detin e Zi që nga fillimi i luftës.
Turqia gjithashtu paralajmëroi shtetet jo të Detit të Zi në atë kohë që të mos dërgojnë anije luftarake nëpër ngushticat afër bregdetit Turk.
Sipas Konventës së Montreux, anijet luftarake të palëve jo-luftëtare mund të kalojnë tranzit nëpër ngushticat në kohë lufte. Por konventa thotë gjithashtu se Ankaraja ka fjalën e fundit për kalimin e të gjitha anijeve luftarake, nëse Turqia e konsideron veten në rrezik për t’u tërhequr në një luftë.
Turqia mban lidhje të mira si me Kievin ashtu edhe me Moskën gjatë kohes që po zhvillohet lufta dhe e ka zbatuar marrëveshjen e Montreux në mënyrë të paanshme dhe të përpiktë për të parandaluar përshkallëzimin në Detin e Zi, ka thënë presidenca Turke në Ankara./Reuters
