Dy persona janë parë mbrëmë në Prishtinë teksa po e mbulonin me rërë një thes që dyshohet të jetë i mbushur me dinamit.
Policia, me të pranuar informatën, ka dalë menjëherë në vendin e ngjarjes ku ka arrestuar njërin prej të dyshuarve.
Në vendin e ngjarjes ka mberritur edhe njësiti për de-minim ndërsa hetimet rreth ketij rasti po vazhdojnë.
Rasti është konfirmuar edhe përmes raportit 24 orësh të policisë dërguar mediave.
“Të enjten rreth orës 18:00, dy meshkuj kosovarë kanë raportuar në polici se kanë hasur dy persona të panjohur duke mbuluar me rërë një thes që dyshohet të jetë mbushur me dinamit. Njëri prej të dyshuarve është arrestuar dhe me vendim të prokurorit, është dërguar në mbajtje, ndërsa lidhur me rastin është njoftuar njësiti për de-minim për të dal në vendin e ngjarjes”, thuhet në raportin e policisë.
Ende nuk dihet motivi që ka quar dy të dyshuarit të kryejnë këtë vepër por policia po merret me hetimin e rastit.
