U përmbyll dje, një projekt i Bashkëpunimit Civil dhe Ushtarak (CIMIC) i Komandës Rajonale Perëndim (RC-W) të KFOR-it në komunën e Kaçanikut, ku ushtarët italianë të bazuar në Regjimentin e Parë Bersaglieri i dhuruan pajisje informatike “Shkolles publike Idriz Seferi” në fshatin Bob të kësaj komune.
Në ceremoninë e dorëzimit ishin të pranishëm autoritetet civile dhe ushtarake, mes te cileve edhe komandanti i Komandës Rajonale Perëndim, kolonel Francesco Ferrara, kryetari i i Komunës së Kaçanikut, Zotëri Besim Ilazi dhe drejtoresha e shkollës “Idriz Seferi”, znj. Florije Zeneli Berisha nga fshati Bob në Kaçanik.
Projekti, i lindur nga bashkëpunimi i frytshëm ndërmjet celulës së CIMIC të RC-W dhe drejtueses së shkollës fillore “Idriz Seferi”, synon të përmirësojë strukturën e shkollës përmes furnizimit me 11 Kompjuterëve personal, një “Board display” dhe një printer me wireless për riprodhimin e punës së kryer.
Materiali informatik i dhuruar përshtat ofertën arsimore të shkollës me standardet evropiane, duke i bërë shërbimet më ndërvepruese për të luftuar braktisjen e shkollës dhe atë kulturore, duke pajisur strukturat e shkollës me teknologji moderne që plotësojnë nevojat e popullsisë në aspektin arsimor.
Donacioni është pjesë e aktiviteteve të shumta për të mbështetur zhvillimin e institucioneve vendore që KFOR-i dhe kontingjenti italian i kryejnë në baza gjashtëmujore.
Kontingjenti italian i Forcës së Kosovës (KFOR), në përputhje me Rezolutën 1244 të Këshillit të Sigurimit të Kombeve të Bashkuara të vitit 1999, kontribuon në ruajtjen e një mjedisi të sigurt dhe të mbrojtur, si dhe lirinë e lëvizjes për të gjitha komunitetet që jetojnë në Kosovë, duke promovuar në të njëjtën kohë aktivitete të dobishme nën drejtimin e Komandës Operative të Forcave të Bashkuara, thuhet në një komunikatë të lëshuar nga Komanda Rajonale Perëndimore e KFOR-it.
