Një person i paidentifikuar sot ka hyrë me automjet në urën e lumit Ibër nga drejtimi i Mitrovicës Jugore, por nuk ka arritur të kalojë në anën tjetër, pasi që karabinierët italianë e kanë kthyer mbrapsht.
Në videon e ngjarjes, e cila është publikuar nga portali “Arbresh.Info”, shihet një makinë “Mercedes” me targa gjermane duke iu afruar automjeteve të karabinierëve italianë, por aty ndalet dhe detyrohet të kthehet në drejtim të Mitrovicës.
Më pas shihen dy policë të Kosovës duke ecur nëpër urë drejt veturës të cilët bisedojnë dhe i kërkojnë që të kthehet mrapsht nga ka ardhur.
“Një nga policët bisedon me shoferin për disa sekonda dhe i sinjalizon që ta largojë veturën nga ura dhe të kthehet në Mitrovicën jugore”.
Kjo ngjarje ka kaluar pa ndonjë tension dhe probleme specifike.
