Nata e ndërrimit të viteve është një moment i veçantë, i mbushur me tradita dhe zakone, përfshirë ato që lidhen me ushqimin.
Sipas besimeve të ndryshme popullore, disa ushqime konsiderohen të lidhura me fatin dhe mbarësinë për vitin e ri që po vjen.
Ja disa prej tyre që shpesh mendohet se sjellin fat.
12 kokrra rrushi
Një traditë që vjen nga Spanja e Portugalia, ku konsumimi i 12 kokrrave të rrushit në mesnatë simbolizon 12 muajt e vitit të ardhshëm. Secila kokërr përfaqëson një muaj, dhe besimi thotë se kjo sjell mbarësi për çdo muaj të vitit.
Ushqime në formë rrethi
Kjo ka të bëjë me ushqime si petullat e ëmbla ose kekët që kanë formë rrethore, me hapësirë në mes. Kjo simbolizon ciklin e plotë të vitit, duke sugjeruar që viti i ri do të jetë i plotë dhe i mbarë.
Çarja e një shege
Në Greqi, është një traditë që të përplasësh një shegë në dysheme gjatë natës së Vitit të Ri. Kokrra e shegës simbolizojnë begatinë dhe mirëqenien, dhe sa më shumë kokrra të dalin, aq më shumë mbarësi pritet për vitin e ri.
Pjekja e peshkut të pacopëtuar
Peshku është një simbol i fatit për tre arsye: luspat e tij ngjasojnë me paratë, ai noton gjithmonë përpara dhe qëndron në grupe, që simbolizon unitetin e familjes.
Konsumimi i makaronave të gjata
Sipas një tradite japoneze, makarona të gjata simbolizojnë një jetë të gjatë dhe fat. Besimi thotë se këto makarona duhet të konsumohen pa i thyer për të sjellë fatin e dëshiruar.
Perime me ngjyrë të gjelbër
Këto perime, që ngjasojnë me paratë, konsiderohen fatsjellëse në disa kultura, pasi besohet se ato tërheqin mbarësi dhe pasuri.
Thjerrëzat
Në Itali dhe Brazil, thjerrëzat janë të njohura për simbolizimin e pasurisë, pasi kanë ngjashmëri me monedhat. Ky ushqim është gjithashtu pjesë e traditave romake dhe besohet se sjell fat dhe pasuri.
Kek me monedhë
Një tjetër traditë greke kërkon që të piqet një kek i veçantë i quajtur “vasilopita”, në të cilin futet një monedhë. Personi që gjen monedhën në pjesën e tij të kekut, thuhet se do të ketë fat dhe mbarësi gjatë vitit që vjen.
