Kryetari i Komunës së Lipjanit, Imri Ahmeti, ka njoftuar se Arlinda Amerllahu nga fshati Shalë është njëra ndër kandidatët e tij për këshilltare në Kuvendin Komunal.
Amerllahu ka përfunduar studimet në Fakultetin Juridik dhe është në prag të diplomimit në nivelin master në drejtësi. Ajo vjen nga një familje e njohur në komunë, vajza e ish-luftëtarit të Ushtrisë Çlirimtare të Kosovës, Zenel Amerllahu.
Sipas Ahmetit, Arlinda përfaqëson brezin e ri me energji, ide të qarta dhe vizion për të ardhmen. “Të rinjtë janë shpresa dhe shtytësit e së nesërmes. Bashkë, me punë për Lipjanin që e duam,” ka shkruar ai.
Amerllahu shprehet e përkushtuar për të dhënë kontributin e saj në zhvillimin e komunës, duke vlerësuar se përvoja dhe përgatitja e saj profesionale do të jenë në shërbim të qytetarëve të Lipjanit.
