Arsenal siguroi një fitore të rëndësishme 1-0 në fushën e Fulham-it, duke ruajtur vendin e parë në Premier League. Golin vendimtar e shënoi Leandro Trossard në pjesën e dytë, pas një goditjeje nga këndi të ekzekutuar nga Bukayo Saka.
Skuadra e Artetës dominoi lojën, por pati vështirësi për të gjetur rrugën e rrjetës përballë një Fulhami kompakt dhe të disiplinuar. Pas disa rasteve të humbura, Trossard përfitoi nga një devijim të Gabriel dhe dërgoi topin në portë për rezultatin përfundimtar.
Saka dhe Gyökeres ishin më aktivët për “Topçinjtë”, ndërsa portieri Leno shpëtoi vendasit në disa momente kyçe. Në fund, Arsenal mbrojti me kujdes epërsinë dhe mori tre pikë të vlefshme në garën për titull, duke qëndruar një javë tjetër në krye të tabelës.
