Juventusi ka njoftuar transferimin e një sulmuesi të ri nga Premierliga, për të përforcuar repartin ofensiv të trajnerit të “Bianconerëve”, Luciano Spalletti.
Sipas faqes zyrtare të klubit italian, gjermani Nick Woltemade i është bashkuar Juventusit në formë huazimi nga Newcastle United deri më 30 qershor 2027.
Juventusi shkroi në njoftimin e tij: “Tani, Woltemade e pret një eksperiencë e re në Itali dhe mezi presim ta shohim me fanellën e Juventusit. Mirë se vjen te Juventusi, Nick”.
Woltemade u zhvillua në akademinë e Werder Bremenit, përpara se të debutonte me ekipin e parë në vitin 2020.
Ai u huazua tek Elversberg për sezonin 2022-2023. Një sezon i jashtëzakonshëm në Bundesliga më pas i siguroi atij transferimin te Stuttgart në verën e vitit 2024.
Periudha e tij te Stuttgarti ishte vërtet fantastike. Woltemade shënoi 18 gola në 36 ndeshje dhe ndihmoi skuadrën të fitonte Kupën e Gjermanisë, përpara se të transferohej te Newcastle United në vitin 2025.
Gjatë periudhës së tij me “Magpies”, sulmuesi gjerman luajti në 53 ndeshje, duke shënuar 11 gola dhe dhuruar gjashtë asistime.
Koha e këtij transferimi i përshtatet në mënyrë perfekte Juventusit. Skuadra bardhezi kishte nevojë të përforconte sulmin pas largimit të Dusan Vlahovic si lojtar i lirë drejt Besiktasit, ndërsa Jonathan David është pranë transferimit tek Atletico Madridi.
