Curtis Jones ka dhënë mendimin e tij mbi debatin midis Mo Salah dhe ish-yllit të Chelsea-t, Eden Hazard, në një intervistë për Rio Ferdinand në TNT Sports.
Dy legjendat e Premier League kanë qenë shpesh objekt krahasimesh, me të dy që kanë lënë gjurmë të mëdha në futbollin anglez.
Në prag të udhëtimit të Liverpool-it drejt ish-klubit të Hazard, Lille, Jones ndau mendimin e tij gjatë një interviste në kuadër të serisë “Between the Lines”.
23-vjeçari, që ka bërë mbi 100 paraqitje për Liverpool-in, pranoi se kur ishte i ri, Hazard ishte lojtari që e shikonte dhe studionte – duke admiruar stilin e tij të lirë dhe të relaksuar në fushë
Edhe pse lëvizja e tij te Real Madrid rezultoi zhgënjyese, Hazard ishte një ndër më të mirët në Premier League për shtatë sezone dhe ishte një lojtar që dhuronte spektakël.
Jones e admironte aq shumë dy herë fituesin e Premier League saqë beson se Hazard është më i mirë se shoku i tij i skuadrës, Salah – madje zbuloi se ka biseduar me egjiptianin për këtë çështje.
Por ai gjithashtu pranoi se Salah, me 175 gola dhe 82 asistime në Premier League, do të ishte zgjedhja për një ekip falë statistikave të tij të jashtëzakonshme.
“Për mua dhe e di që kjo mund të mos pëlqehet nga tifozët tanë sepse krahasimi është gjithmonë aty, por e pëlqej [Eden] Hazard”, tha Jones sinqerisht.
“Hazard është ai, e di që ne e krahasojmë gjithmonë me Mo, dhe kam debatuar edhe me Mo për këtë. Por si lojtar që kam parë kur isha i ri, kur e doja dhe studioja lojën, ndihesha sikur Hazard ishte ai që doja të isha”.
Pas kritikave nga tifozët e Liverpool-it, Jones postoi një foto me Salah në rrjetet sociale, duke konfirmuar besnikërinë e tij ndaj egjiptianit me mbishkrimin: “Ai që do të preferoja në ekipin tim.”
Hazard ka dhënë mendimin e tij mbi debatin
Eden Hazard vetë u pyet për këtë çështje nga SPORTbible në shtator dhe nuk hezitoi aspak të përgjigjet.
I pyetur se cili është më i mirë, belgu u përgjigj: “Mo Salah, pa diskutim.”
Ish-lojtari i kombëtares belge u pyet gjithashtu nëse ishte i habitur me nivelin që Salah ka arritur pas një periudhe të vështirë në eksperiencën e parë në futbollin anglez.
“Ai ishte i mirë që atëherë, e dini, por aq i mirë? Ne luajtëm kundër tij kur ishte te Baseli. Ne luajtëm në Champions League vitin para se të vinte te Chelsea, dhe ishim si: ‘Wow’”, tha ai.
“Më pas e blemë sepse menduam: ‘Po, duhet ta blejmë këtë djalë sepse është i jashtëzakonshëm’. Çfarë ka bërë me Liverpool-in është një tjetër ‘Wow’”.
“Si futbollist, është Hazard ai që është më i mirë, sipas mendimit tim. Por nëse pyet kë do ta dëshironit në ekip? Të gjithë do të thonë Mo sepse ai të jep gola dhe asistime”, tha përfundimisht Jones
