Kendrick Lamar dhe Beyoncé janë fituesit e ceremonisë së ndarje së çmimeve më të rëndësishme në botën e muzikës, Grammy 2025 .
Reperi fitoi çmimet për këngën dhe albumin e vitit me ” Not Like Us “, “diss”-in kundër Drake , duke marrë në shtëpi dy nga nderimet kryesore të natës.
“Ne ia kushtojmë këtë vlerësim këtij qyteti,” tha Lamar, duke dërguar fjalët e tij më të përzemërta për Los Angeles, i cili prej disa javësh është përfshirë nga zjarre shkatërrimtare.
“Not Like Us” është kënga e dytë hip-hop që fiton në kategori, e para është “This Is America” e Childish Gambino.
Beyoncé , e cila vinte në këtë mbrëmje me 11 nominime, mori çmimet për albumin më të mirë dhe albumin më të mirë Country (hera e parë në histori për një artiste me ngjyrë) me ” Cowboy Carter ” .
Ndërkohë që Taylor Swift u largua me duar bosh.
Kështu u thye mallkimi që e kishte mbajtur gjithmonë Beyonce larg çmimit më prestigjioz të dhënë nga 13.000 anëtarët e Akademisë së Regjistrimit.
Beyonce ka qenë e nominuar në këtë kategori katër herë më parë, por nuk ka fituar kurrë. Çmimi iu dorëzua yllit të popit nga anëtarët e Departamentit të Zjarrfikësve të Los Anxhelosit, të cilët luftuan me zjarrin shkatërrues që përfshiu metropolin kalifornian.
Midis artistëve të tjerë fitues, Chappell Roan mori çmimin për Artistin më të Mirë të Ri.
St. Vincent dhe Charli XCX gjithashtu morën në shtëpi një mori çmimesh, ndërsa Lady Gaga dhe Bruno Mars u vlerësuan Performanca më e Mirë Pop Duo për ” Die With a Smile “.
“Short n’ Sweet” e Sabrina Carpenter është votuar albumi më i mirë pop i vitit 2024: 25-vjeçarja ish-ylli i Disney u duartrokit gjithashtu nga Taylor Swift, e cila e kishte zgjedhur për të hapur disa data të turneut të saj “Eras”.
