Një shaka e Jose Mourinhos ka mbetur në kujtesën e Marc Cucurellas. Mbrojtësi i Real Madridit ka zbuluar se trajneri portugez reagoi në mënyrë humoristike pasi ai kishte bërë tatuazh në trup portretin e përzgjedhësit të Spanjës, Luis de la Fuente.
“Mourinho më dërgoi një fotografi me gjoksin tim dhe fytyrën e tij të tatuazhuar”, rrëfeu Cucurella në një intervistë për COPE, duke konfirmuar se nuk ka ndërmend të bëjë më tatuazhe.
Spanjolli foli edhe për raportin me trajnerin e tij, duke thënë se Mourinho është shumë më i afërt dhe më humoristik sesa mund të duket nga jashtë.
“Është njeri shumë i mirë, i pëlqen të flasë dhe të bëjë shaka. Megjithatë, ai është shefi dhe duhet të bëjmë atë që thotë”, u shpreh Cucurella.
