Një lamtumirë dhe një falënderim special e kanë shoqëruar largimin e Stefano Piolin nga Al Nassr.
“Faleminderit për gjithçka” dhe një emoji me dy duar të lutjes, i përcjellë me foton e trajnerit italian, respektivisht postimin e Al Nassr.
Ishte ky postimi i sotëm i Cristiano Ronaldos në rrjetet sociale për ta përshëndetur tashmë ish-trajnerin e tij, i cili u largua së fundmi,
Mes tyre duket se nuk ka pasur një raport të shkëlqyer, sa që flitej se ishte vetë “CR7” ai që e kishte kërkuar “kokën” e trajnerit italian, i cili e mbylli sezonin në vendin e tretë pa e siguruar pjesëmarrjen në Ligën e Kampionëve aziatike për sezonin e ardhshëm.
Por, pesë herë fitues i Topit të Artë i përgënjeshtroi këta zëra me postimin e sotëm,.
Tash, Piloli pritet të emërohet trajner i ri i Fiorentinës, me të cilën do të nënshkruajë për tri vjet me një rrogë prej afro 3 milionë erosh në vit.
Ish-trajneri i Milanit në fakt do të rikthehet tek “Viola”, të cilën e kishte udhëhequr në sezonin 2017/2018 dhe në atë pasuese, të cilën e kishte mbyllur para kohe pasi kishte dhënë dorëheqje.
