Rivaliteti i madh individual i shekullit XXI, ndoshta edhe në gjithë historinë e futbollit – nëse ka një duel që përfaqëson më së miri fuqinë e yjeve, ai është mes Cristiano Ronaldos dhe Lionel Messit. Dyshja e legjendave e përcaktoi “El Clasico”-n për nëntë vite emocionuese, dhe tani Arabia Saudite po përpiqet t’i përballë sërish, kësaj here në nivel klubesh.
Të dy yjet synojnë të marrin pjesë në Kupën e Botës 2026, dhe nëse Portugalia dhe Argjentina do të përballeshin në atë turne, kjo mund të ishte sfida e fundit mes tyre. Megjithatë, Arabia Saudite është e vendosur që t’i rikthejë përballjet mes Messit dhe Ronaldos më herët.
Pas javësh të tëra pasigurie për të ardhmen e tij, duket se Cristiano Ronaldo do të qëndrojë te Al-Nassr. Sipas Fabrizio Romanos, është arritur marrëveshje për rinovimin e kontratës, edhe pse ende nuk është vendosur nëse ajo do të zgjasë deri në vitin 2026 apo 2027.
Ndërkohë, Lionel Messi është i përqendruar te ndeshja e Inter Miami në 1/8 e finales së Kupës së Botës për Klube ndaj Paris Saint-Germain këtë fundjavë. Por, sipas Al-Midan Sports (përmes Sport), Arabia Saudite pritet të zhvillojë bisedime me babain dhe agjentin e tij, Jorge Messi. Sipas të njëjtit burim, presidenti i Al-Hilal, Fahad bin Nafel, ndodhet në SHBA dhe ka caktuar një takim me Messin për të diskutuar një transferim të mundshëm.
Kontrata aktuale e Messit përfundon në fund të këtij viti kalendarik. Arabia Saudite kishte tentuar ta afronte yllin argjentinas edhe pas largimit të tij nga PSG
