Si duket opozita shqiptare përsëri po bie në gropën e njëjte. I ashtuquajturi “Grupi i zjarrit” po zbehet pasi që eksponentët më të lartë të BDI-së po tërhiqen ngadalë dhe po kthehen në krahët e Ali Ahmetit, ndërsa e vetmja figurë e lartë që ka mbetur në këtë fraksion është Izet Mexhiti.
Ky i fundit tani po tenton ta unifikoj opozitën shqiptare në Maqedoni të Veriut. Mexhiti kohëve të fundit ka paralajmëruar edhe krijimin e një partie të re.
Siç është paralajmëruar, sot pritet të takohen Izet Mexhiti, Bilall Kasami dhe Afrim Gashi. Qëllimi i këtij takimi po del të jetë bashkëpunimi dhe krijimi i një fronti opozitar, kundër BDI-së së Ali Ahmetit.
Në mungesë të kreativitetit, ideve dhe opsioneve, opozita mesa duket do i bashkohet kësaj thirrje për “unifikim” të votës
Kujtojmë që në 2015 një fraksion i dalë nga BDI, në ballë me Gëzim Ostrenin (njeri i afërt me Ali Ahmetin) së bashku me RDK-në e Vesel Memedit (gjithashtu njeri i afërt me Ali Ahmetin) e krijuan fronin opozitar të quajtur Aleanca për Shqiptarët duke e futur kështu nën hije partinë e Ziadin Selës e cila iu bashkua thirrjes për fronin opozitar.
Pas një periudhe të shkurtër 2 vjeçare, Vesel Memedi u shpërblye me disa pozita të larta në pushtet duke dal paraprakisht nga kjo aleancë, ndërsa Uniteti u shua.
Kështu numrat e opozitës në parlament u shpërbënë dhe opozita rra nën hije.
I njëjti proces ndodhi në vitin 2020 kur Aleanca për Shqiptarët së bashku me Alternativën bënë koalicion që të fitojnë BDI-në, duke marr plot 12 deputet dhe besimin e mbi 80 mijë shqiptarëve të Maqedonisë, por pak kohë më vonë ky koalicion u shpërbë kur Alternativa morri vendim që me 4 deputet të bëhet pjesë e shumicës, me BDI-në dhe LSDM-në.
Sipas analistëve, i vetmi koalicion fitues ndër vite ka qenë Aleanca për Shqiptarët së bashku me Lëvizjen Besa. Por çuditërisht, ky koalicion asnjëherë nuk ndodhi në nivel republikan. Nuk e dihet nëse problemi ka qenë të pazarllëqet për pushtet apo tek komforti i partive në opozitë.
Megjithatë, tani mbetet të shihet se çfarë do të ndodh me frontin e ri opozitar.
