“E rinovova kontratën deri në vitin 2028 duke menduar se deri atëherë do të isha 30 ose 31 vjeç [Braziliani mbush 30 vjeç më 14 dhjetor] dhe nuk e dija se në çfarë forme do të isha. Por pas mënyrës se si e kam nisur sezonin, kam kuptuar se mund të vazhdoj edhe për disa vite të tjera. Prandaj, po, do të isha i lumtur ta zgjas kontratën edhe pak dhe ta përfundoj karrierën time këtu, pa pasur nevojë të shkoj diku tjetër”.
Kështu drejtpërdrejt Raphinha, në një intervistë paraprake me radio-stacionin “RAC1”, e cila do të transmetohet e plotë më vonë, i dha dritën jeshile rinovimit të kontratës me Barcelonën, për të cilin është diskutuar prej javësh.
I transferuar nga Leeds United në verën e vitit 2022, kur agjenti i tij ishte ende Deco, i cili më vonë u bë drejtor sportiv i Barçës, sulmuesi ishte në qendër të spekulimeve të shumta për një shitje të mundshme gjatë javëve të fundit të sezonit të kaluar.
Ai u përfshi gjithashtu në thashetheme për një krizë të pretenduar familjare që kishte ndikuar në financat e familjes së tij.
Kjo situatë, së bashku me lëndimet që e penguan të paraqitej në nivelin e tij më të mirë në fund të sezonit, ushqeu zërat për një largim të mundshëm.
Të gjithë brenda Barçës e pranojnë se “Raphinha nuk do të jetë këtu përgjithmonë”, gjë që pjesërisht shpjegon transferimet e Gordonit dhe Adeyemit.
Megjithatë, ndikimi i tij në dhomën e zhveshjes është i jashtëzakonshëm.
Paraqitjet e tij – më shumë se 50 gola gjatë dy sezoneve të fundit, të pasuara nga një nisje sensacionale në pozicionin e tij të ri si qendërsulmues – e detyruan gjithashtu drejtorin sportiv të ndërmarrë një hap.
Interesimet për transferimin e tij janë shuar. Raphinha pritet të qëndrojë te Barça edhe për një kohë të gjatë.
