Interi ka vazhduar dominimin ndaj Comos, duke e mposhtur me rezultat 2-0 në derbin lokal.
Francesco Pio Esposito dhe Marcus Thuram shënuan golat e fitores, duke i dhënë fund serisë së shkëlqyer të Cesc Fabregasit, skuadra e të cilit vinte pas nëntë golave të shënuar në Ligën e Kampionëve.
Pas humbjes së parë sezonale në Serie A ndaj Milanit, Interi është rikthyer fuqishëm, duke regjistruar fitoren e dytë radhazi në të gjitha garat.
Golin e parë e realizoi Pio Esposito, pas një aksioni të shpejtë të nisur nga Federico Dimarco, i cili asistoi për Thuramin.
Francezi më pas e shërbeu bashkëlojtarin e tij, që shënoi nga afërsia.
Golin e dytë e realizoi vetë Thuram, pas një aksioni ku ndërhyrja e gabuar e Alex Valle përfundoi duke ia mundësuar sulmuesit francez të shënonte nga afërsia.
Como tentoi të rikthehej në lojë, por Nico Paz nuk pati fat në minutën e 84-t, kur goditja e tij përfundoi në shtyllën e portës.
Kjo ishte fitorja e 12-të radhazi e Interit ndaj Comos në Serie A, duke konfirmuar dominimin e zikaltërve në përballjet direkte.
Interi tash shkon në 28 pikë, një më pak se Lazio që e kryeson tabelën.
Ndërkohë, Como mbetet në 23 pikë, në vendin e pestë në tabelë.
