27 
Deputetja Hykmete Bajrami ka thënë se LDK-ja respekton të drejtën e partisë së parë për të propozuar Kryeparlamentarin, por kjo siç tha ajo nuk do të thotë që të bartin të drejtën e votës edhe te një subjekt tjetër, që të votohet sipas kërkesës së tyre.
Bajrami ka thënë se LDK-ja nuk bëhet pjesë e një mashtrimi politik që synon të mbajë vendin peng, dhe se sipas saj VV-ja me vetëdije po e bllokon konstituimin e Kuvendit.
“Refuzimi i tyre për të propozuar një kandidat tjetër, për të ndërtuar një konsensus minimal institucional, dhe për të respektuar nevojën për bashkëpunim politik, tregon qartë mungesën e vullnetit për t’i shërbyer vendit”, ka shkruar ajo mes tjerash.
